يا ترى نوتينجهام فورست يقدر يوصل لحد فين السنة دى ؟
الكمبيوتر الخارق من أوبتا هايجاوبنا
على السؤال دا
مين كان يتخيل؟ اللي عاملينة نوتينجهام
فورست في الدوري الإنجليزي!
بيقدموا موسم خرافي .. طب إيه اللي بيحصل بالظبط؟ وهل دي مجرد صدفة ولا
فيه حاجة تانية؟ تعالوا نشوف مع بعض.
الموسم اللي فات، فورست كانوا على
بُعد خطوة من الهبوط،
عايز أقولك أنهم جابوا أقل عدد نقط لفريق ينجو من الهبوط في تاريخ الدوري الإنجليزي 32 نقطة بس ، لحسن حظ فورست، فرق زى لوتون تاون ، بيرنلي وشيفيلد يونايتد جابوا في المتوسط 22 نقطة بس، وده أقل متوسط نقط للفرق التلاتة اللي هبطت من الدوري. لو حسبناها على المواسم اللي فيها 38 ماتش، فورست بـ 32 نقطة كانوا هيهبطوا في 26 من أصل 28 موسم – يعني بنسبة 93%.
لكن الموسم ده، الفريق مع نونو سانتو
انقلب الحال 180 درجة !
المدرب الوحيد اللي أخد من ليفربول 4 نقاط ؛ و الوحيد اللي قدر يكسب
ليفربول في الانفيلد السنة دي .
" فورست مع نونو
سانتو " بعد 21
ماتش ، عندهم 41 نقطة، من 12 فوز و 4 خسارة و 5 تعادلات ؛
سجل 30 هدف واستقبل 20 وخرج بكلين
شيت في 9 ماتشات ؛
41 نقطة جمعوهم ، ولحد وقت تصوير الحلقة دي مفيش غير ليفربول
اللي متقدم عليهم! فازوا على فرق كبيرة زي ليفربول واليونايتد وتوتنهام ، وقدموا
أداء قوي جدًا. ده خلى ناس كتير تتساءل: هل فورست ممكن يوصلوا لدوري الأبطال أو
ممكن يكرروا معجزة ليستر !! ؟
إحصائيات الكمبيوتر الخارق من أوبتا،
اللي بيحلل كل الاحتمالات بناءً على الأرقام ، بيقول إن فيه فرصة كبيرة إن فورست
يتأهل لدوري الأبطال !
احتمالية بتوصل لـ 56% و ده رقم كبير جدًا!
التاريخ كمان في صف فورست! الموسم
اللي فات، أرسنال كان عندهم 40 نقطة بعد 20 ماتش وخلصوا الموسم في المركز التاني .
أقل مركز وصله فريق في الدوري
الإنجليزي بعد ما جاب 40 نقطة على الأقل في أول 20 ماتش هو المركز السادس؛
بلاكبيرن روفرز كان عندهم 40 نقطة بالظبط في المرحلة دي من موسم 1997-98 وخلصوا
الموسم في المركز السادس.
طب هل فورست ممكن يعملوا زي ليستر؟
في موسم 2015-16، ليستر كان عندهم 40
نقطة بعد 20 ماتش وفازوا بالدوري في واحدة من أعظم الإنجازات في تاريخ الكرة
الإنجليزية.
كمبيوتر اوبتا بيقول إن تكرار المعجزة دي مع
فورست احتمالية ضعيفة، بس مش مستحيلة .
صحيح إن فورست عملوا بداية ممتازة،
بس لسه المشوار طويل، والمباريات اللي جاية صعبة جدًا. هيواجهوا فرق قوية زي
ليفربول وأرسنال ومانشستر سيتي ومانشستر يونايتد. هنا هيظهر المعدن الحقيقي للفريق.
في النهاية، نقدر نقول إن فورست
عاملين موسم للتاريخ! سواء اتأهلوا لدوري الأبطال أو لأ، اللي عملوه لحد دلوقتي
يستحق الاحترام والتقدير.
والسؤال هنا هل دي هاتكون بداية عصر
جديد لنوتينجهام فورست وإدارتهم تبني على النجاح وتحاول أكتر ترجع الفريق التاريخي
دا لمنصات التتويج ؟
الأيام اللي جاية هتجاوبنا على السؤال ده.
قولولنا توقعاتكم في الكومنتات
ومتنسوش اللايك والأشتراك في ركن الكورة .
المصدر :
https://theanalyst.com/2025/01/nottingham-forest-champions-league-chances-opta-supercomputer