خلصت الجولة الـ 22 وكلها نتائج
مجنونة
ليفربول بيكسب 2 في أخر دقيقتين ،
واليونايتد بيخسر تاني قدام برايتون وبالـ 3 ، وأرسنال يتعادل قدام أستون فيلا بعد
ما كان متقدم بهدفين ، والسيتي رجع يفتري
بالـ 6 ، بس الصدمة الجولة دي
كانت في ملعب "سانت جيمس بارك"!
تخيل فريقك كسبان تسع ماتشات ورا بعض
في كل البطولات، و المهاجم بتاعك مولعها و مسجل في تمن ماتشات متتالية
وداخل على ماتش في أرضك وقصاد فريق ناقص منه 9 لاعيبة أساسية بسبب
الإصابة ..
الماتش كدا في جيبك خلاص ..
بس لا " الكورة لازم يكون ليها سيناريو مختلف
"
بعد المعطيات دي كلها فريقك ياخد على دماغه أربعة أجوال ، وتكون أكبر
هزيمة على أرضه من سنتين! والمصيبة الأكبر، أن الهزيمة تيجي من الفريق القديم لمدربك الحالي
واللي وراك علطول في الترتيب !
هي دي الصدمة اللي نزلت على دماغ جمهور نيوكاسل بعد
مواجهة بورنموث.
المثير للإهتمام أن بورنموث داخل الماتش دا بأصغر تشكيلة بدلاء في
الدوري الإنجليزي في الموسم ده ، متوسط
أعمارهم حوالي 20 سنة و74 يوم بس! يعني شباب لسه طالعين.
ومحتاجين المكسب علشان يقتحموا مناطق
التأهل الأوروبي..
مع العلم أن الـ 9 لاعيبة اللي كانت قاعدة على دكة بورنموث كان مجموع
ماتشاتهم كلهم على بعض كدا في الدوري الإنجليزي 33 ماتش بس ، وستة من التسعة دول
ما لعبوش ولا ماتش في الدوري أصلاً ، والناحية التانية اللاعيبة على دكة نيوكاسل لاعبين 979 ماتش!
فرق شاسع يعني.
بس بونموث عندهم "كوليفرت
" اللاعب اللي قدم ماتش عمره، عمل أداء خرافي بمعنى الكلمة! سجل هاتريك
تاريخي وصنع الهدف الرابع، وقاد فريقة لفوز ساحق.
الفوز ده خلى بورنموث بـ 37 نقطة في المركز السابع ويفرقة نقطة واحدة بس بعد نيو كاسل
و ده أعلى رصيد ليهم في المرحلة دي
من الموسم و بفارق 10 نقط عن أعلى رصيد سابق ليهم في نفس المرحلة واللي عملوه في
موسمين 2018/19 و 2023/24.
كلوفيرت كمان بقى سابع لاعب يجيب
أكتر من هاتريك بره أرضه في موسم واحد في الدوري الإنجليزي .
وبقى رابع لاعب الموسم ده يساهم بشكل
مباشر في أربع أجوان في ماتش واحد.
وبعد الماتش دا جاستن كلوفيرت، قال إنهم بيحلموا بأول تأهل للنادي في المنافسات الأوروبية.
معلومة على جنب، كلوفيرت قدر يسجل
أجوان في ماتش واحد على ملعب سانت جيمس بارك أكتر من اللي والده باتريك سجله في
موسم كامل مع نيوكاسل.
المهم أن الكورة دايماً عندها
سيناريوهات ملهمة .. تخليك غصب عنك هاتفضل
تحبها
متنساش اللايك بأة
المصدر : https://www.premierleague.com/news/4227134
https://www.premierleague.com/news/4226221