هو بس 22 سنة بس مش ها تشوف القلق على وش كول بالمر وهو واقف يسدد ضربة جزاء حاسمة قدام توتنهام.
دي كانت ضربة جزاء تحسم النتيجة 3-2
لصالح تشيلسي في ملعب توتنهام، بعد ما كانوا متأخرين 2-0، وتفصل بينهم وبين أرسنال
في المركز الثاني.
بالمر كان سجل ضربة جزاء قبل دي في
نفس الماتش عشان يعدل النتيجة 2-2، وكان سددها ببراعة.
مش سهل خالص إنك تسدد ضربة جزاء ثانية
في نفس الماتش، وناس كتير بتعمل كل اللي تقدر عليه عشان تتجنب الموقف ده.
بس مش البارد بالمر.
بثقة كبيرة، سددها على طريقة بانيككا،
وحطها في النص بالضبط، وفورستر مكنش قادر يعمل حاجة.
البانينكا الرائعة دي خلت بالمر يسجل
ضربة جزاء رقم 12 من 12، بيكسر بيها رقم قياسي في الدوري الإنجليزي لأكبر عدد من
ضربات الجزاء المتتالية بدون أخطاء.
و خلته يعدى يايا تورية، نجم مانشستر
سيتي السابق، اللي سجل 11 ضربة جزاء من 11 في الدوري الإنجليزي.
بالمر كمان مع إنجلترا، سجل كل ضربات
الجزاء اللي لعبها، بما فيهم ضربة الجزاء اللي سجلها في ركلات الترجيح ضد سويسرا
في يورو 2024.
احتفاله يدل على شخصيته.. "
بارد " محدش هايحطة تحت ضغط، بس لاعب فنان وشخصيتة المختلفة في الملعب
هاتخليه يكون واحد من أساطير اللعبة لو كمل بنفس الإحصائيات.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
برودة أعصاب مشوفتهاش عند لاعب تاني صانع
ألعاب شيلسي صاحب الـ 22 سنة بِيظهر دايماً هادي وتركيزة موجود طول ما هو في الملعب ودا ظهر في تسجيله 4 أهداف في 19 دقيقة و57 ثانية في ماتش برايتون ، من ضمن 17 مساهمة تهديفية في
الدوري الإنجليزي في الموسم الحالي 24/25 ( 11 هدف + 6 اسيست ) في 15 ماتش لحد
دلوقتي .
بداية مذهلة ومع ذلك مكنتش أقل من التوقعات
بعد موسمه الأول الرائع مع تشيلسي في 2023/24، اللي سجل فيه 22 هدفًا وقدم 11 اسيست
في الدوري الإنجليزي الممتاز.
بالمر يعتبر هو أكثر اللاعبين تسجيلا
للأهداف والتمريرات الحاسمة في الدوري الإنجليزي الممتاز منذ موسم 2023/24
ودلوقتي كمان ممكن تقول بكل ثقة إن
بالمر واحد من أفضل اللاعبين يلعبوا ضربات جزاء في تاريخ الدوري الإنجليزي.
لأنة بيقود قائمة أفضل معدلات تسجيل لضربات
الجزاء في تاريخ الدوري 12 /12 و من اللاعبين الحاليين اللي بينافسوه على الرقم دا
، خيمينيز (8 من 8)، بريان مبومو (7 من 7)، وكريس وود (7 من 7) .
كمان، بالمر بقى اللاعب رقم 11 في
تاريخ الدوري الإنجليزي اللي بيسجل 12 ضربة جزاء متتالية، و هو الوحيد اللي اتصدر
لكل ضربات الجزاء لفريقة وهو في الملعب.
.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالمر قادر في موسم ونص بس يدخل تاريخ نادي شيلسي،
ودلوقي حسب الإحصائيات بالمر يُعتبر أفضل مهاجم، بمتوسط هدف أو تمريرة حاسمة كل
73 دقيقة، أفضل معدل لأي لاعب في تشيلسي لعب 500 دقيقة على الأقل في تاريخ الدوري
الإنجليزي الممتاز.
إنتاج بالمر، وبالرغم من سنة الصغير،
أفضل حتى من إنتاج فرانك لامبارد أو إدين هازارد - وهو إنجاز استثنائي للغاية بالنظر
إلى أن تشيلسي مكنش بينافس على القمة خلال الأشهر الـ 14 اللي فاتت.
طبعاً الموهبة دي وراها ، إنزو
ماريسكا,هو اللي نجح
في استخراج أفضل ما عند بالمر علشان
حاجتين : الاستفادة من كرة القدم المباشرة والسريعة واستخدام بالمر في مركز رقم 10
الحر.
تكتيكات تشيلسي السريعة والمباشرة
تناسب بالمر جداً
بدلاً من بناء اللعب بالاستحواذ
البطيء، ماريسكا طريقة هجوم فريقة بتكون في خطوط مستقيمة، ودا ناجح جداً .. وصل
تشيلسي أنه يكون أكتر فريق مسجل أهداف الموسم دا في الدوري الإنجليزي بـ 35 هدف في 15 ماتش ، ومع تعثر السيتي وارسنال ,,
البلوز
انفردوا بالمركز الثاني ورا ليفربول بفارق 4 نقط بس عندهم مباراة زيادة عن الريدز.
فا يترى
بالمر هايقدر يوصل فريقه لحد فين السنة دى؟