صحيفة الماركا متأكدة أن أرنولد مش هايجدد
و ارني سلوت مُصِر ما يخسروش .. طب
مين فيهم ضامن كلامة ؟
بعد خماسية ويستهام اللي ساهم فيها
ارنولد بالهدف الرابع كملت حرب التصريحات
ولما أتسأل " سلوت " عن الموضوع كان رد ه أن طريقة: "احتفاله المفروض تكون ردت
كفاية"
مستقبل أرنولد أصبح "قضية
دولة" في إنجلترا.
إدارة ليفربول ما كانتش عايزة توصل لليوم
دا ودلوقتي أتأكدوا أن موضوع اهتمام ريال مدريد مش مجرد حيلة من وكيل اللاعب عشان
ياخد عقد أكبر وأغلى.
الماركا مُصممة أن ارنولد بلّغ
"إدارة الليفر" بقرارة
وبعد تصريح سلوت نشرت ماركا تأكيد تاني أن الظهير الإنجليزي بلّغ إدارة ناديه
أنه مش هايجدد.
و الآس دخلت على الخط وفكرتهم
بإحتفال بيلينجهام في ألمانيا ، واللي شبهوه
باحتفال صديقة المقرب أرنولد ..
الاحتفال اللي بعده بيلي أنتقل لريال
مدريد .
و حرب التصريحات كملها هولت (صحفي في
دايلي ميل البريطانية): اللي قال أن
صحيفة "ماركا" بمثابة
(بوق) إعلامي لنادي ريال مدريد، وتعتبر اداه للريال في مفاوضاته بشأن الانتقالات. ويجب التعامل مع تقاريرها عن أرنولد، بقدر كبير من السخرية .
الخسارة في ليفربول هاتكون كبيرة لأن
دا لاعب اتكوّن في أنفيلد ولاعب دولي إنجليزي، لسة عنده 26 سنة، وقدامه مشوار طويل،
لكن " ارني سلوت " مُصِر ما يفرّطش فيه.
بس دلوقتي جه وقت القرار، هل يفتحوا
باب عملية بيع محتملة في يناير ولا هيستسلموا ويشوفوا واحد من أهم لاعبيهم ماشي من
غير ما يِسيب أي مقابل مادي لخزنة النادي.
أرنولد حقق كل البطولات الممكنة في
إنجلترا مع ليفربول وكمان حقق دوري الأبطال.. وممكن يكون شايف أنه عايز تحدي جديد
في مسيرتة وحالياً ما فيش نادي يكون خطوة
للأمام بعد ليفربول يقدر يكمل فيه مسيرتة غير كبير أوروبا " ريال مدريد
"
والريال كالعادة بيكتفي بالانتظار، بالرغم
من حاجة الفريق المُلحة لظهير أيمن بعد إصابة كرفخال.
القصة بتتكرر في سوق الانتقالات
الشتوية سنة ورا سنة.
النادي الملكي عاش التجربة في السنين اللي فاتت
مع ألابا وروديجير ومبابي.
وهانشوف هاتتكرر مع أرنولد ولا ايه
اللي هايتم؟
المصادر: