ركن الكورة | Football Corner

  سنة 2019، شين لونج كسر رقم قياسي كان موجود من حوالي 19 سنة – لأنه سجل أسرع جون في تاريخ الدوري الإنجليزي ، و2025 و في إستاد " جوديسون بارك " ايفرتون فاز 4 صفر على ثعالب ليستر بس الأكثر إثارة للإهتمام من النتيجة أنه الهدف الأول اللي سجلة عبدولاي دوكوري لإيفرتون هو   رابع أسرع هدف يتسجل في تاريخ الدوري الإنجليزي.   تعالوا نشوف كل الأهداف اللي أتسجلت في أول 10 ثواني في الدوري الإنجليزي الممتاز .   لحد وقت قريب، كل أوقات الأهداف كانت بتتقرب لأقرب ثانية، فما كانش فيه قايمة نهائية لأسرع الأهداف في تاريخ الدوري الإنجليزي. و ده اتغير سنة 2018. شركة اوبتا بصفتها مورد البيانات الرسمي للدوري الإنجليزي، استخدمت لقطات أرشيفية وتكنولوجيا الفيديو عشان تقيس أسرع الأهداف في تاريخ البطولة لأقرب جزء من مية من الثانية .   يعني دلوقتي عندكم القايمة النهائية لأسرع الأهداف في تاريخ الدوري الإنجليزي : وفي   المركز الأول شين لونج (7.69 ثانية) واتفورد ضد ساوثهامبتون، 23 أبريل 2019 المركز الثاني لـ فيليب بيلينج (9.11 ثانية) آرسنال ضد بورنموث، 4 ما...

  خلصت الجولة الـ 22 وكلها نتائج مجنونة ليفربول بيكسب 2 في أخر دقيقتين ، واليونايتد بيخسر تاني قدام برايتون وبالـ 3 ، وأرسنال يتعادل قدام أستون فيلا بعد ما كان متقدم بهدفين ، والسيتي رجع يفتري   بالـ 6    ، بس الصدمة الجولة دي كانت في ملعب "سانت جيمس بارك "!   تخيل فريقك كسبان تسع ماتشات ورا بعض في كل البطولات، و المهاجم بتاعك مولعها و مسجل في تمن ماتشات متتالية وداخل على ماتش في   أرضك وقصاد فريق ناقص منه 9 لاعيبة أساسية بسبب الإصابة .. الماتش كدا في جيبك خلاص .. بس لا   " الكورة لازم يكون ليها سيناريو مختلف " بعد المعطيات دي كلها   فريقك ياخد على دماغه أربعة أجوال ، وتكون أكبر هزيمة على أرضه من سنتين! والمصيبة الأكبر، أن   الهزيمة تيجي من الفريق القديم لمدربك الحالي واللي وراك علطول في الترتيب ! هي دي   الصدمة اللي نزلت على دماغ جمهور نيوكاسل بعد مواجهة بورنموث.   المثير للإهتمام أن   بورنموث داخل الماتش دا بأصغر تشكيلة بدلاء في الدوري الإنجليزي في   الموسم ده ، متوسط أعمارهم حوالي 20 سنة و74 يوم بس! ...

  يا ترى نوتينجهام فورست يقدر يوصل لحد فين السنة دى ؟ الكمبيوتر الخارق من أوبتا هايجاوبنا على السؤال دا     مين كان يتخيل؟ اللي عاملينة نوتينجهام فورست في الدوري الإنجليزي! بيقدموا موسم خرافي .. طب   إيه اللي بيحصل بالظبط؟ وهل دي مجرد صدفة ولا فيه حاجة تانية؟ تعالوا نشوف مع بعض .   الموسم اللي فات، فورست كانوا على بُعد خطوة من الهبوط، عايز أقولك أنهم   جابوا أقل عدد نقط لفريق ينجو من الهبوط     في تاريخ الدوري الإنجليزي 32 نقطة بس ، لحسن حظ فورست، فرق زى لوتون تاون ، بيرنلي     وشيفيلد يونايتد     جابوا في المتوسط 22 نقطة بس، وده أقل متوسط نقط للفرق التلاتة اللي هبطت من الدوري. لو حسبناها على المواسم اللي فيها 38 ماتش، فورست بـ 32 نقطة كانوا هيهبطوا في 26 من أصل 28 موسم – يعني بنسبة 93 %. لكن الموسم ده، الفريق مع نونو سانتو انقلب الحال 180 درجة ! المدرب الوحيد اللي أخد من   ليفربول 4 نقاط ؛ و الوحيد اللي قدر يكسب ليفربول في الانفيلد السنة دي .     " فورست   مع نونو سانتو " بعد 21 ماتش ، عنده...

  نادي اليوناني ممكن يخلص اليونايتد من أنتوني؟ بحسب  سكاي  سبورتس   أولمبياكوس مهتم بصفقة إعارة للبرازيلي التقارير ذكرت أنهم مستعدين يدفعوا من 1.5 لـ 2 مليون يورو كرسوم إعارة 6لـ شهور   مع  شرط شراء إلزامي بيوصل لـ 18 مليون يورو، وبالتالي هايكون إجمالي الصفقة لو تمت 20 مليون يورو . ودي الحقيقة هي قيمه اللاعب في السوق، "أنتوني " الموسم دا ظهر مع اليونايتد 12 مرة في مختلف المسابقات؛ سجل هدف وحيد كان في كأس الكارباو وكان من ضربة جزاء   ودي كانت المساهمة الوحيدة له في الموسم لحد دلوقتي. لاعب أياكس السابق كان كلف خزنة الشياطين الحمر 100 مليون في 2022 ، دا مع العلم أنه أعلى رقم وصلت قيمتة على ترانسفير ماركت كانت 75 مليون و حالياً نزلت لـ 20 مليون ... أولمبياكوس بأة عايز يجربه الأول بـ مليون ونص ولا حتى 2 مليون.. لو إشتغل معاهم يدفعولك باقي الـ 20 ... هانشوف اليونايتد هايرمي فلوسه في مين تاني في الأيام اللي جاية ...        

    صحيفة الماركا متأكدة أن أرنولد مش هايجدد و ارني سلوت مُصِر ما يخسروش .. طب مين فيهم ضامن كلامة ؟ بعد خماسية ويستهام اللي ساهم فيها ارنولد بالهدف الرابع كملت    حرب التصريحات ولما أتسأل " سلوت " عن الموضوع   كان رد ه أن طريقة: "احتفاله المفروض تكون ردت كفاية " مستقبل أرنولد أصبح "قضية دولة" في إنجلترا . إدارة ليفربول ما كانتش عايزة توصل لليوم دا ودلوقتي أتأكدوا أن موضوع اهتمام ريال مدريد مش مجرد حيلة من وكيل اللاعب عشان ياخد عقد أكبر وأغلى. الماركا مُصممة أن ارنولد بلّغ "إدارة الليفر" بقرارة وبعد تصريح سلوت نشرت   ماركا تأكيد تاني أن الظهير الإنجليزي بلّغ إدارة ناديه أنه مش هايجدد. و الآس دخلت على الخط وفكرتهم بإحتفال بيلينجهام في ألمانيا ، واللي شبهوه   باحتفال   صديقة المقرب أرنولد .. الاحتفال اللي بعده   بيلي أنتقل لريال مدريد . و حرب التصريحات كملها هولت (صحفي في دايلي ميل البريطانية) : اللي قال أن صحيفة "ماركا" بمثابة (بوق)   إعلامي لنادي ريال مدريد،   وتعتبر اداه للريال في مفاوضاته بشأن الانتقالات .  ...

  هو بس 22 سنة بس مش ها تشوف القلق على وش كول بالمر وهو واقف يسدد ضربة جزاء حاسمة قدام توتنهام. دي كانت ضربة جزاء تحسم النتيجة 3-2 لصالح تشيلسي في ملعب توتنهام، بعد ما كانوا متأخرين 2-0، وتفصل بينهم وبين أرسنال في المركز الثاني. بالمر كان سجل ضربة جزاء قبل دي في نفس الماتش عشان يعدل النتيجة 2-2، وكان سددها ببراعة. مش سهل خالص إنك تسدد ضربة جزاء ثانية في نفس الماتش، وناس كتير بتعمل كل اللي تقدر عليه عشان تتجنب الموقف ده.   بس مش البارد بالمر . بثقة كبيرة، سددها على طريقة بانيككا، وحطها في النص بالضبط، وفورستر مكنش قادر يعمل حاجة . البانينكا الرائعة دي خلت بالمر يسجل ضربة جزاء رقم 12 من 12، بيكسر بيها رقم قياسي في الدوري الإنجليزي لأكبر عدد من ضربات الجزاء المتتالية بدون أخطاء. و خلته يعدى يايا تورية، نجم مانشستر سيتي السابق، اللي سجل 11 ضربة جزاء من 11 في الدوري الإنجليزي . بالمر كمان مع إنجلترا، سجل كل ضربات الجزاء اللي لعبها، بما فيهم ضربة الجزاء اللي سجلها في ركلات الترجيح ضد سويسرا في يورو 2024. احتفاله يدل على شخصيته.. " بارد " محدش هايحطة تحت ضغط، بس لا...