ركن الكورة | Football Corner

    ريال مدريد قدر يكسب أتلانتا متصدر الدوري الإيطالي على ملعبه ... وينقذ نفسه من الخروج المبكر في أول نسخة بالشكل الجديد لدوري الأبطال اللي بيتصدرة ليفربول لما كسب جيرونا بهدف لمحمد صلاح دخل بيه قائمة أفضل 10 هدافين في دوري الأبطال   . . .   الشكل الجديد لدوري الأبطال ها يخلينا لازم نحاول نعرف التصنيف كل يوم.   36 فريق بيحاربوا على النقط علشان يوصلوا لدور الـ 16 إيه اللي بيحصل بالظبط؟ كل فريق بيلعب 8 ماتشات، اللي بيجمع أكبر عدد من النقاط بيبقى من أول 8، ودول يضمنوا مكانهم في دور الـ 16 على طول. أما الباقيين، من 9 لـ 24، بعد قرعة يلاعبوا بعض .. ماتش فاصل ذهاب وعودة ... عشان يشوفوا من اللي هيكمل مع الكبار. واللي بيفشل أنه يكون في المراكز الـ 24 الأولى بيكون خرج من البطولة خالص . باختصار : كل ماتش في دوري الأبطال بقي زي نهائي ولحد الجولة الـ 7 فـ الفرق المتأهلة لدور الـ 16 مباشرة هي : ليفربول 18 نقطة باير ليفركوزن ، أستون فيلا ، والانتر ، ستاد بريست بـ 13 نقطة برشلونة ، بوروسيا ، بايرن ميونيخ بـ 12 نقطة هما دول: صورة رقم 1 ...

  نيكولاس جوفير.. الأرقام هنا متكذبش ارسنال أكتر نادٍ في أوروبا سجل من ركنيات . الأرسنال عادل الرقم القياسي لأكبر عدد أهداف تم تسجيلة في الدوري الإنجليزي من الركنيات ب16 هدف ، في موسم 2023/2024   ودا كلة بعد   وصول الساحر الفرنسي نيكولاس جوفير اللي حول ركنيات أرسنال لـ سلاح فتاك بيهزم أقوى دفاعات أوروبا. أرسنال بيسجل هدف من كل 16 ركنية تقريبًا. ولو فاكر ان 16 دا رقم ضعيف فا عايز اقولك أن في الـ 111 مباراة اللي قبل وصول جوفر، كان أرسنال بيسجل هدف من كل 32 ضربة ركنية.   تأثير جوفر مظهرش على أرسنال بس.. لا دا هو بيكرر اللي عملة مع السيتي. جوفير اشتغل في مانشستر سيتي من 2019 لـ 2021. وفي الموسم الأول مع سيتي، – حسب إحصائيات الدوري الإنجليزي قلل نسبة الأهداف اللي استقبلها فريقه من كرات ثابتة، من 39 % لـ 20% وانخفضت تاني لـ 16 % في الموسم اللي بعدة. و في الهجوم..   السيتي ت صدر قائمة الدوري الإنجليزي الممتاز من حيث عدد الأهداف المسجلة من كرات ثابتة. أرتيتا اشتغل مع جوفر لمدة ستة شهور بس في مانشستر سيتي قبل يتولى القيادة الفنية لأرسنال، لكنة أول حاجة...

  جوارديولا بيفقد أعصابه للمرة الثانية مع واحد من المشجعين .. بس المرة دي كان هايضربة في الشارع. بعد لقطة جوارديولا   مع الجمهور في مباراة ليفربول واللي إنتشرت على وسائل التواصل في جميع أنحاء العالم، كانت غريبة على البيب. مشهد جديد ظهر فيه جوارديولا وهو مش قادر يسيطر على أعصابة، بعد مباراة نونتنجهام فورست واللي رجع فيها السيتي للمكسب اللي كان في أمس الحاجة إليه. ظهر مقطع جديد على موقع ْ X    لصفحة تابعة لمشجعين السيتي المقطع ظهر فيه " جوارديولا " وهو ماشي في أحد الشوارع ومشجع بيصورة وهو بيقولة يا ترى هاتروح تبكي بعد الخسارة؟ جوارديولا اللي كان ماشي في   الشارع بـهدوء ، رجع على المشجع أكنة هايضربة وهو بيرد عليه   بيقول "عايز تعرف معنى الخسارة؟ "   غالباً الحادثة دي كانت بعد مباراة ليفربول رد فعل جوارديولا، كان عنيف جداً.. لولا المرافقين اللي معاه ، كان ممكن يتسبب لنفسة في مشكلة كبيرة وهو مش ناقص مشاكل . جوارديولا شخصية مبتحبش الخسارة.. والوضع اللي هو فيه صعب جداً على شخصية زي دي وردود أفعالة بتبين قد ايه هو مضغوط   البيب ...

  هدف في أول 98 ثانية من عهد نيستلروي كمدرب لليستر سيتي ... بس مكنش مجرد هدف، كان بداية فصل جديد في قصة الفريق وقائده الأسطوري. فاردي برقم قياسي جديد مع ليستر و للمرة السادسة بيسجل أول هدف مع مدير فني جديد للثعالب .. .. بيعمل بمقولة الانطباع الأول يدوم، و دا دليل على إصراره في إظهار قدراته للمدربين وحجز مكانة من أول مشاركة.   فاردى كان هو اللي كان كسر رقم فان نيستلروي نفسه في تسجيل الأهداف في مباريات متتالية في الدوري الإنجليزي عملها في 11 مباراة مع ليستر في عام 2015، و رود فان نيستلروي أسطورة اليونايتد وريال مدريد كان سجل في 10 مباريات متتالية في الدوري الإنجليزي. فان نيستلروي كان عنده يومين بس مع لاعبي ليستر قبل مواجهة وست هام، لكنه جاب الفوز أخيراً بعد سلسلة من ست مباريات منغير فوز للفريق. و بعد الفوز في أول مباراة لنيسلروي ...   ليستر سيتي بأة في المركز الـ 15   في الدوري، بعد الهامرز بنقطتين بس وبيبعدوا عن مراكز الهبوط بـ أربع نقط .   صاحب ال 48 سنة مسك اليونايتد في مرحلة حرجة وعدل أوضاعهم قبل ما يوصل مدربهم الجديد   .. ودلوقي عنده...

  الأرقام مبتكذبش! عمر مرموش مش مجرد لاعب عادي إحنا قدام موهبة عندها إحصائيات مذهلة. أرقام عمر مرموش بتتفوق على جميع اللاعبين في الدوريات الخمس الكبرى. مسجل 13 هدفً وصنع 7 أهداف في 12 مباراة بس ببطولة الدوري الألماني، بتخلية هو الأكثر مساهمة في الأهداف في الدوريات الخمسة الكبرى. وفي مختلف المسابقات، مرموش الموسم دا مع آينتراخت فرانكفورت لعب 19 مباراة، وسجل 17 هدفًا وصنع 11، بمساهمات في 28 هدفًا . عناوين الصحف الإنجليزية بتأكد مراقبة أكبر أندية إنجلترا لـ " عمر مرموش "، وبتقول إنه مش بعيد نشوفة بيحل محل صلاح في ليفربول؟ وعلى مدار أسبوع " صحيفة ميرور الانجليزية لوحدها " بتنشر أكتر من 3 مقالات بتتكلم عن متابعة اليونايتد للنجم المصري . والأخبار في أوروبا بتقول أن تألقه اللافت في البوندسليجا والدوري الأوروبي خلاه هدفً رئيسي لأندية زي ليفربول وارسنال . وبعتوا كشافين لمراقبتة ، وبيتكلموا أن سعرة ممكن يوصل لـ 60 مليون جنيه إسترليني في سوق الانتقالات اللي جاي. مرموش معدي عدد المساهمات لأسماء لاعبين زي صلاح وكين، و ليفاندوفسكي و رافينيا و فينييوس، وحتى هالان...

  بوتا فوجو البرازيلي صنعوا التاريخ لنفسهم   ورفعوا كأس ليبرتادوريس لأول مرة . كسبوا أتلتيكو مينِيرو 3-1. وهما يلعبوا ناقصين لاعب من أول دقيقة في الماتش. ، على ملعب "المونيمونتال " في الأرجنتين.   أتلتيكو مينِيرو، اللي كسبوا الكأس دي قبل كده في سنة 2013 لما الساحر رونالدينيو كان معاهم، هيحتاجوا وقت عشان ينسوا الخسارة دي . الشوط الأول بدأ بطريقة مش متوقعة خالص. جر يجور عمل جريمة واتطرد بعد 30 ثانية بس، وبوتا فوجو ها يكمل الماتش كامل بـ 10 لاعبين. بعد ما حافظوا على قوتهم واستوعبوا الصدمة. ظهر عندهم بطل للنهائي أسمة لويز هنريكي. اللاعب اللي لعب في الدوري الأسباني لصالح ريال بيتيس؛ شال الفريق على ضهره في النهائي التاريخي دا، سجل أول جول وحصل على ضربة جزاء إتسجل منها الجول الثاني، ونفذها صاحب الخبرات أليكس تيليس ببراعة. أتلتيكو مينِيرو كانوا ماسكين الكورة بنسبة 77% من وقت المباراة، وعندهم خبرة أكبر في البطولات دي، ومعاهم لاعب زيادة، بس كل ده مكنش كافي. حتى في أول دقيقة في الشوط الثاني ومن ركنية نفذها. Hulk سجل    فارغاس الهدف الأول لأتلتيكو مينيرو وقد...