الأرقام مبتكذبش! عمر مرموش مش مجرد لاعب عادي إحنا قدام موهبة عندها إحصائيات مذهلة.
أرقام عمر مرموش بتتفوق على جميع
اللاعبين في الدوريات الخمس الكبرى.
مسجل 13 هدفً وصنع 7 أهداف في 12
مباراة بس ببطولة الدوري الألماني، بتخلية هو الأكثر مساهمة في الأهداف في
الدوريات الخمسة الكبرى.
وفي مختلف المسابقات، مرموش الموسم دا
مع آينتراخت فرانكفورت لعب 19 مباراة، وسجل 17 هدفًا وصنع 11، بمساهمات في 28
هدفًا.
عناوين الصحف الإنجليزية بتأكد
مراقبة أكبر أندية إنجلترا لـ " عمر مرموش "، وبتقول إنه مش بعيد نشوفة
بيحل محل صلاح في ليفربول؟
وعلى مدار أسبوع " صحيفة ميرور الانجليزية
لوحدها " بتنشر أكتر من 3 مقالات بتتكلم عن متابعة اليونايتد للنجم المصري .
والأخبار في أوروبا بتقول أن تألقه
اللافت في البوندسليجا والدوري الأوروبي خلاه هدفً رئيسي لأندية زي ليفربول
وارسنال.
وبعتوا كشافين لمراقبتة ، وبيتكلموا
أن سعرة ممكن يوصل لـ 60 مليون جنيه إسترليني في سوق الانتقالات اللي جاي.
مرموش معدي عدد المساهمات لأسماء
لاعبين زي صلاح وكين، و ليفاندوفسكي و رافينيا و فينييوس، وحتى هالاند.
أهداف، ومراوغات، وسرعة، وقوة.. كل
الإمكانيات المطلوبة في لاعب توب ليفل موجودة عنده ..
الشاب المصري صاحب الـ 25 سنة كان بيحلم يلعب في
الدوري الإنجليزي الممتاز.
و بعد اللي بيقدمة من الموسم اللي
فات وبيكملة الموسم دا... دلوقتي أكبر
أندية العالم بيتنافسوا على توقيعه.
السؤال دلوقتي: مين من الأندية ها تنجح
في ضم الموهبة دي؟
والجواب ها يحدده المبلغ المالي اللي ها يتم
تقديمه لفرانكفورت ،، ولكن المؤكد أن
مرموش يستحق كل قرش هايتصرف عليه.