نيكولاس جوفير..
الأرقام هنا متكذبش ارسنال أكتر نادٍ
في أوروبا سجل من ركنيات .
الأرسنال عادل الرقم القياسي لأكبر عدد أهداف تم تسجيلة في الدوري الإنجليزي من الركنيات ب16 هدف ، في موسم 2023/2024
ودا كلة بعد وصول الساحر الفرنسي نيكولاس جوفير اللي حول ركنيات
أرسنال لـ سلاح فتاك بيهزم أقوى دفاعات أوروبا.
أرسنال بيسجل هدف من كل 16 ركنية
تقريبًا.
ولو فاكر ان 16 دا رقم ضعيف فا عايز
اقولك أن في الـ 111 مباراة اللي قبل وصول جوفر، كان أرسنال بيسجل هدف من كل 32
ضربة ركنية.
تأثير جوفر مظهرش على أرسنال بس.. لا دا
هو بيكرر اللي عملة مع السيتي.
جوفير اشتغل في مانشستر سيتي من 2019 لـ 2021. وفي
الموسم الأول مع سيتي، – حسب إحصائيات الدوري الإنجليزي قلل نسبة الأهداف اللي استقبلها
فريقه من كرات ثابتة، من 39 % لـ 20% وانخفضت تاني لـ 16 % في الموسم اللي بعدة.
وفي الهجوم.. السيتي تصدر قائمة الدوري الإنجليزي الممتاز من حيث عدد
الأهداف المسجلة من كرات ثابتة.
أرتيتا اشتغل مع جوفر لمدة ستة شهور بس
في مانشستر سيتي قبل يتولى القيادة الفنية لأرسنال، لكنة أول حاجة فكر فيها أنه يقنع
جوفر بالانضمام إلى لـ جهازه الفني في لندن، ودي الخطوة التي ساهمت في نقل الفريق لـ
مستوى تاني .
هدف ارسنال على فولهام هو رقم 23
اللي يسجله أرسنال من ركنية منذ بداية موسم 2023-2024، ودا خلى ارسنال متفوق على أي
نادٍ في أوروبا خلال الفترة دي في تسجيل الركنيات.
فا كل مشجعين الأرسنال لازم يشكروا
الراجل دا.