بوتا فوجو البرازيلي صنعوا التاريخ لنفسهم ورفعوا كأس ليبرتادوريس لأول مرة .
كسبوا أتلتيكو مينِيرو 3-1. وهما يلعبوا
ناقصين لاعب من أول دقيقة في الماتش.، على ملعب
"المونيمونتال" في الأرجنتين.
أتلتيكو مينِيرو، اللي كسبوا الكأس دي قبل كده في
سنة 2013 لما الساحر رونالدينيو كان معاهم، هيحتاجوا وقت عشان ينسوا الخسارة دي.
الشوط الأول بدأ بطريقة مش متوقعة
خالص. جر يجور عمل جريمة واتطرد بعد 30 ثانية بس، وبوتا فوجو ها يكمل الماتش كامل بـ
10 لاعبين.
بعد ما حافظوا على قوتهم واستوعبوا الصدمة.
ظهر عندهم بطل للنهائي أسمة لويز هنريكي. اللاعب اللي لعب في الدوري الأسباني
لصالح ريال بيتيس؛ شال الفريق على ضهره في النهائي التاريخي دا، سجل أول جول وحصل
على ضربة جزاء إتسجل منها الجول الثاني، ونفذها صاحب الخبرات أليكس تيليس ببراعة.
أتلتيكو مينِيرو كانوا ماسكين الكورة
بنسبة 77% من وقت المباراة، وعندهم خبرة أكبر في البطولات دي، ومعاهم لاعب زيادة،
بس كل ده مكنش كافي.
حتى في أول دقيقة في الشوط الثاني ومن
ركنية نفذها.
Hulk سجل فارغاس الهدف الأول لأتلتيكو مينيرو وقدامهم
وقت يتعادلوا ويكسبوا كمان ، لكن بوتافوجو كان حاسس أنه دقائق و اسمه هايكون مكتوب
في تاريخ البطولة ،لحد ما يؤكدها جونيور سانتوس ويسجل القاضية لـ بوتافوجو في أخر
دقيقة من ال6 دقائق الوقت الضائع.
كده بوتافوجو كسبوا أول كأس
ليبرتادوريس في تاريخهم، وقريبين كمان من الفوز بـ الدوري البرازيلي.
الأهلي وريال مدريد دلوقتي عارفين ال
32 فريق كاملين اللي ممكن يلعبوا ضدهم في بطولة كأس العالم للأندية 2025 في الولايات المتحدة.
مشجعي الأهلي
لسة محتاجين يتابعوا ماتش تاني لـ بوتافوجو علشان يعرفوا هو اللي هايلاعبهم يوم 14
ديسمبر في إستاد لوسيل في الدوحة ولا باتشوكا المكسيكي.
بوتافوجو اللي قيمتة التسويقية تقدر بـ ١٣٧ مليون يورو
هايلاعب
باتشوكا على كأس ديربي الأمريكيتين، واللي ها يكسب هايلاعب بطل نصف العالم
"الأهلي المصري " على كأس التحدي ... ماتش من أهم ماتشات في ال10 سنين الأخيرة للأهلي؛
علشان اللي هايكسب يقابل الوحش ... اللفيل الأخير من بطولة كأس فيفا انتركونتيننتال،"
ريال مدريد " بطل أوروبا؛ على لقب البطولة
اللي توصل الأهلوية لسقف طموحهم لو حصلت
المعجزة وحققوها .
قول يارب .. ومتنساش اللايك.
هل يكون
بوتافوجو منافس الأهلى على كأس التحدي ؟