لأول مرة فريق تحت قيادة جوارديولا يخسر لـ 4 ماتشات ورا بعض ؛
3 نقط مهمين خسرهم قدام برايتون هايكونوا مؤثرين جداً في
سباق الدوري .
السيتي بيعاني مع خسارة " رودري
" صاحب البالون دور و أهم لاعب في منظومة جوارديولا لنهاية الموسم ، وطبعاً إصابات
مهمة زي " كيفين دي بروين -جون ستونز - سيرجيو جوميز - ناثان أكي -ماتيو كوفاسيتش -إيدرسون " .
الإصابات عامل مهم جداً في مسيرة أي
فريق في المنافسة على بطولة طويلة زي بطولات الدوري .
" أرسنال " أتأثر جداً بعد إصابة " أودي جارد
" ، و اليونايتد بعد اصابة " ليني يورو – و هويلاند " قبل حتى بداية الموسم ؛ النتائج أدت انهم يقيلوا تين هاج .
بس هنا بتظهر قوة المدير الفني في استخدامة لكل اللاعبين اللي معاه .. يا ترى
هايعمل ايه ..
أما يقدر يغير استراتيجية الفريق
بالكامل ، أو يختار أفراد من فريق الشباب تقدر تنفذ خططة ، أو حتى تغيير مراكز لاعيبة متاحة
معاه .
انشيلوتي مع الريال الموسم اللي فات
لعب ماتشات كتير بدون وجود مدافع واحد في الفريق .. وشفناة بيلعب بـ كرفخال وميندي
وتشاوميني كـ مدافعين متمركزين .. مراكز حساسة جداً وقدر يـحقق الدوري ودوري
الأبطال في النهاية .
جوارديولا عندة فرصة أنه يلاقي حلول
لمشاكل السيتي في فترة التوقف الدولي
الحالية ، و محدش هيستبعد قدرتهم على العودة بقوة على المنافسة ..
بس عندة بعد فترة التوقف الدولي دي 3 ماتشات هاتكون حاسمة بشكل كبير في السباق
توتنهام هوتسبيرز .. اللي في أغلب المواسم
اللي كسب فيها السيتي الدوري مكنش بيكسبه بسهولة ..
ليفربول .. المنافس المباشر حالياً والمتصدر واللي
مينفعش بأي حال من الأحوال تخسر قدامهم لأن محصلتش لأي فريق أنه عاد و فاز بلقب الدوري الإنجليزي
الممتاز بعد مـ كان متأخراً بفارق تسع نقاط عن المتصدر .
و بعديهم " نوتنغهام فورست "
.. اللي عامل نتايج مجنونة الموسم دا
وصلته للمركز الخامس .
بعد الـ 3 ماتشات دي ممكن نشوف إذا
كان الـ " بيب " قادر على التحدي ولسة مكمل في السبق ولا أرني سلوت
هايقتنص الفرصة و ليفربول يوجه القاضية و يزيد الفارق دا لأكتر من كدا ويقضي على
امال الجميع .
دا شكل الترتيب بعد 11 مباراة ...
أكتبلنا فريقك في المركز الكام ...
ومتنساش اللايك