الكورة في العالم كله دلوقتي بتحكمها الفلوس ، أندية كتير ظهرت على الساحة علشان بس بأة معاها فلوس ، بس الأهلي مش أغنى فريق في الشرق الأوسط ولا افريقيا ولكن بالرغم من كدا الأهلي هو المسيطر على منطقة الشرق الأوسط كله بتاريخة وحاضرة كمان ، وفي فرق كبير بينه وبين أي نادي تاني ممكن ينافسة في افريقيا أو الشرق الأوسط ، وعلشان تعرف الفرق دا جاي منين ... لازم تركز في اللي هانتكلم عليه دلوقتي ...
٨ أغسطس
٢٠٢٤ : الأهلي بيحسم بطولة الدوري للمرة الـ ٤٤ في تاريخه ، و بيعمل موسم تاريخي بعد ما الكل بيتكالب عليه ويدعم المنافس الطموح ؛
لا وكمان يراهن على خسارة الأهلي للبطولة ،، قبل ما يرجع الأهلي و بيأكد سيطرتة
وهيمنتة على الساحة الكروية في مصر وافريقيا والشرق الأوسط و يحسم بطولة الدوري
المصري برقم قياسي لأطول سلسلة انتصارات متتالية في تاريخ الدوري ا بـ 21 انتصار.
الاهلي على مدار موسمين محقق " 2
دوري ابطال افريقيا و 2 كأس مصر و2 سوبر
مصري و 2 دوري مصري بالإضافة كمان لـ 2 برونزية
مونديال أندية متتاليتين
" .
بس الاهلي
من تاني يوم حسم البطولة اللي كانت صعبة
جداً في وسط الضغوط دي كلها وبالتحديد
في 9 اغسطس ٢٠٢٤ : اجتماع بين الكابتن
" محمود الخطيب - رئيس النادي ، ومارسيل كولر المدير الفني للتحضير للموسم
الجديد .
إجتماع
كان الحديث عن التدعيمات لفريق بياكل الأخضر واليابس على مدار موسمين مافيش
حد عرف ياخد منه بطولة غير بس ماتش السوبر
الإفريقي أمام نهضة بركان وكان ليه ظروفة الخاصة وسيناريوهات الكورة مالهاش أمان .
الأهلي كمان بياخد مجموعة قرارات مش هانقف عندهم كلهم
كتير بس لازم نبروز قرار واحد فيهم من وجهة نظري ، وهو الاعتذار عن المشاركة في كأس مصر من اجل اعطاء
راحة للاعبين و عمل فترة اعداد للموسم الجديد.
القرار
دا بيأكد على أن الأهلي مش بتاع شو ، مش علشان عنده مشاكل بيقولك هانسحب علشان
الكورة المصرية ماشية غلط ، لا .. الاهلي بياخد قرار مش للشو انما بيحترم نفسة
وبيحترم لاعيبتة وجماهيرة .. بيشاور للناس على الغلط ويحاول يفهمهم دا وكل واحد حر
في قرارة بس الاهلي هايعمل اللي شايفة صح ، حتى لو الموضوع دا هايكلفة فلوس كتير ،
بس هايحافظ على لاعيبتة .
وكمان
جمهور الأهلي اللي عمرة ما خذل فريقة في الأوقات الصعبة دايماً داعم لرؤية النادي
وفاهم أيه اللي بيدور حوالين الأهلي .
اللي بيفرق الأهلي عن أي نادي تاني
في الشرق الأوسط أنه في عز الإنتصار بيشوف أنه أهم من النجاح هو الإستمرار على
القمة ، لو كان أي نادي تاني مكان الأهلي كنت هتلاقي احتفالات وهيصة و اتوبيس مكشوف و مجلس ادارته كلهم في القنوات
بيتكلموا عن انجازاتهم العبقرية في الحصول علي بطولة و بيقطعوا التورته علي الهوا.
عشان كده الأهلي دائمًا هو رقم واحد
في إفريقيا .
الأهلي مش بيكسب بالتحكيم بالعكس الحكام المصرية ، كنت بشوفها بتحاول تساعد المنافس بأي طريقة ، لكن
الاهلي حمى نفسة وجاب حكام اجانب لمبارياته و على حسابه وبفلوسة ومش
هو اللي اختارهم لا .
واللي بيتكلم عن أن الأهلي استفاد من التحكيم هاتلاقيه بيشجع فريق هو الأكثر في إحصائيات الحصول على ركلات الجزاء
وأقل فريق أتحسب عليه ضربات جزاء ، وأكتر فريق اتجامل وطلع له تسريبات مثبتة على
اليوتيوب في المجاملة الصريحة علشان يكسب بطولات .
لا وكمان الأيام أثبتت أن اتحاد
الكورة اللي المفروض بيحمي الأندية اللي انتخبتة
كان ضد الأهلي و حقوقة على المستوى
القاري في موضوع الجوابات اللي استخبت في
الدرج و محدش وجهلهم أي مسائلة ، وكمان على المستوى المحلي في لجانة المختلفة زي
لجنة أتغيرت مخصوص بعد ما أتسب أعضائها من رئيس نادي سابق مكنش حد عارف يلمة ولا يحقق
معاه .
لجنة الإنضباط
أتغيرت وأتعين أعضائها من وزير الرياضة المعروف
عنه تشجيعة لمنافس الأهلي علشان بس تعاقب
لاعب أهلاوي على نيتة ,, بالرغم أنه
متلفظش بكلمة واضحة ضد أي حد وتوقفة 10
مباريات بمخالفة لكل اللوائح المنظمة للبطولة
، وجت اللجنة بعد الواقعة دي وتتطرمخ على أي مصيبة للمنافسين
كان المفروض يتوقفوا بسبب افعالهم ، وتدي حق للاعب خالف لوائح الفيفا نفسها
ومتوقفوش ، وكمان تتناسى عقوبات للاعيبة
اساءت لصورة مصر في السعودية ، ومدرب ضرب حكم بأيديه الأتنين ، ولاعيبة شتمت جمهور
أكبر نادي في أفريقيا بأبشع الألفاظ
والموسم انتهى ومشوفناش منها حاجة .
الكلام اللي مشجعين ومسئولين الأندية
المنافسة للأهلي بتردده هي بتقولة عشان مش عارفة تبقي زيه ، لا عشان هو
مختلف لإنه مش بيشبع بطولات ومش بيديرة هواة "اللقطة " و دائما بيخطط
للمستقبل صح و بيعرف يخلق دوافع للي جاي .
النادي الوحيد في قارة افريقيا اللي
بيعمل كمؤسسة و عنده جمهور واعي أوي وفي الوقت المناسب يقدر يحرك الصخر علشانة .
علشان كدة #الاهلي فوق
الجميع ، وهايفضل فوق الجميع .