في تقرير لصحيفة الماركا فلورنتينو بيريز رئيس نادي ريال مدريد والقائد الأعلى للكتيبة الملكية المدريدية
أعلن عن أن مدريد أصبح أول نادي كرة قدم تتجاوز
إيراداتة المليار يورو ودا على الحسابات
المالية للسنة الأخيرة .
و الزيادة الكبيرة في الإيرادات دي بتيجي بالرغم إنهم لسه ما استغلوش
استاد السانتياغو بيرنابيو بالشكل المخطط ليه بداية من السنة الجاية.
التقرير وضح أن الريال
أنهى السنة المالية الأخيرة بإيرادات وصلت لـ1.073 مليار يورو، بزيادة (27%) .
ودا بيعادل 230 مليون يورو تقريباً بالمقارنة بالسنة المالية 2022-23،
حسب اللي أعلنتة إدارة مدريد النهاردة .
كل ده أدى للزيادة في الإيرادات اللي بتيجي من أنشطة الاستاد، ورغم كده ، النادي وضح أنه الاستفادة الكاملة هاتكون في سنة 2024-25 لما يكون الاستاد في التشغيل الكامل لكل أنشطته التجارية "
بس التقرير اشار بردو أنه بالرغم من الزيادة
في الأرباح ، رصيد
السيولة أقل من السنة اللي فاتت.
التقرير قال أن من غير تكلفة الاستاد الجديد، السيولة السنة دى وصلت
لـ 83 مليون يورو عن السنة اللي فاتت اللي كانت 128 مليون يورو في 30 يونيو 2023.
"الانخفاض في السيولة دا حصل بسبب دفعات أقساط قروض مجموعها (53
مليون يورو) و منها قرض تجديد
الاستاد حسب ما قال النادي.
بيريز كمان أشار إن عندة اعتمادات مستخدمهاش حتى الان بقيمة 395 مليون
يورو بتضمن سداد المدفوعات المتوقعة مستقبلاً.
بيريز دا فعلاً مش يستاهل تمثال بس ... لا دا المفروض يتعملة هرم بأسمة 😊.
المصدر : صحيفة ماركا
https://www.marca.com/futbol/real-madrid/2024/07/23/669ff25146163f4d3d8b456d.html